عمر کوٹ: کشتی الٹنے سے 6 زائرین ڈوب گئے 

عمر کوٹ (این این آئی) عمر کوٹ (این این آئی)عمرکوٹ کے قریب زائرین کی کشتی الٹنے سے 6 افراد ڈوب گئے، بچی سمیت تین افراد کی نعشیں نکال لی گئی ہیں۔پولیس کے مطابق واقعہ دھورونارو کے علاقے میں کلانکر جھیل میں اس وقت پیش آیا جب زائرین درگاہ سیھڑ فقیر کی زیارت کرکے واپس لوٹ رہے تھے۔ پولیس کے مطابق کشتی الٹنے سے 6 افراد ڈوب گئے، بچی سمیت تین افراد کی نعشوں  کو نکال لیا گیا۔ اندھیرا ہونے کی وجہ سے ریسکیو کام میں مشکلات کا سامنا ہے۔ پولیس کے مطابق ڈوبنے والے تمام افراد کا تعلق گاؤں کنھار اور ایک ہی خاندان سے بتایا جاتا ہے۔