گوجرانوالہ (نمائندہ خصوصی )مسلم لیگ ن کی چیف آرگنائزر و سینئر نائب صدر مریم نواز کی 3مارچ کو گوجرانوالہ میں آمد کے حوالے سے سوشل میڈیا کنونشن منعقد ہوا ،جس کی صدارت امیدوار پی پی 63شعیب بٹ نے کی اس موقع پر شعیب بٹ کا کہنا تھا کہ اپنی قائد مریم نواز کا پہلوانوں کے شہر میں پہنچنے پر پرتپاک استقبال کیا جائے گا،آج کل یہ جو سیاسی مخالفین کہتے ہیں کہ گوجرانوالہ پی ٹی آئی کا قلعہ ہے یہ ان کی خام خیالی ہے ،گوجرانوالہ پہلے بھی میاں نواز شریف کا تھا اور آج بھی نواز شریف کا ہے ،انہوں نے کہا کہ پی ٹی آئی والوں کو شائد 2018کا الیکشن یاد نہیں ،جب انکے امیدوار چاروں شانے چت ہوئے تھے ،اور آئندہ الیکشن میں بھی مخالفین کو شکست کا سامنا کرنا ، ان کے امیدوار کو ایک سیٹ بھی نہیں ملے گی ،گوجرانوالہ کے شہری ووٹوں کی طاقت سے لیگی امیدواروں کو کامیاب کروا کر مخالفین کے چودہ طبق روشن کر دیں گی ۔