پڈعیدن( نامہ نگار) نواحی علاقوں میں پولیس کی جانب سے جرائیم پیشہ افراد کے خلاف کریک ڈاؤن جاری،گذشتہ رات، مورو پولیس نے دوران گشت مخفی اطلاع پر کارروائی کی، ڈکیتی کے ارادے سے کھڑے ملزمان سے مقابلہ کے بعد ایک ملزم کو غیر قانونی اسلحہ سمیت گرفتار کرلیا۔ جب کہ 03 ملزمان فرار ہوگئے،گرفتار ملزم منور،منو لاشاری کے قبضے سے غیرقانونی پسٹل اور رائونڈ برآمد ۔مذکورہ ملزم کے خلاف قتل، ڈکیتی،  چوری، منشیات، نارکوٹکس، ارادہ قتل اور سندہ آرمس ایکٹ سمیت 15  سے زائد مقدمات درج ہیں، دوسری جانب مورو پولیس نے جوا کے اڈے پہ کاروائی کرکے، 07 جواریوں کو گرفتار کرلیا،گرفتار ملزمان محمد مٹھل ماچھی، مولا بخش بڑدی، اعجاز چانڈیو، ساجن سولنگی، نادر ماچھی، لعل بخش اور اظھر چانڈیو کے قبضے سے تاش کے پتے، پلیکارڈس، موبائل فونز اور جوا میں استعمال ہونے والی کیش رقوم برآمد ، جوا،گیمبلنگ ایکٹ کے تحت مقدمہ درج کرلیا ، کنڈیارو پولیس نے مخفی اطلاع پہ ککڑوں کی میل پہ کارروائی کرکے مرغے لڑانے والے ایک جواری کو گرفتار کرلیا۔ ملزمان فرار ہوگئے، گرفتار ملزم ہدایت اللہ گھانگھرو کے قبضے سے 07 موٹرسائکلیں اور کیش نقدی برآمد ، متعلقہ تھانہ پہ جوا/گیمبلنگ ایکٹ کے تحت مقدمہ درج کرلیا۔