آٹھویں جماعت کا طالب علم 2 روز  سے لاپتہ ،گمشدگی کا مقدمہ درج 

ڈوکری(نامہ نگار)تھانہ سیہڑ کے نواحی گاؤں محمد خان چانڈیو کے رہائشی سجن چانڈیو کا بیٹا آٹھویں جماعت کا طالب علم سہیل احمد چانڈیو 2 روز سے لاپتہ ہے، ورثاء کی جانب سے سیہڑ میں لڑکے کی گمشدگی کا مقدمہ درج کرادیا گیا ۔ تھانہ سیہڑ میں لڑکے کے چچا عاشق چانڈیو نے میڈیا سے گفتگو کرتے ہوئے کہا کہ میرا بھتیجا دو دن سے لاپتہ ہے، انہوں نے کہا کہ رشتہ داروں کی بہت تلاش کے باوجود بھتیجے کا کوئی سراغ نہیں ملا۔ دریں اثناء سیہڑ پولیس کا کہنا ہے کہ لاپتہ طالب علم کے لواحقین ہمیں اطلاع دینے آئے ہیں۔