ہنجروال ‘ گھر کی چھت گرگئی‘بیٹی جاں بحق‘ ربڑ فیکٹری میںآتشزدگی 

لاہور(نامہ نگار‘نوائے وقت رپورٹ)ہنجروال میں ایک عمارت کی چھت اور دیوار گرنے سے ملبے تلے دب کر 6سالہ بچی جاں بحق اور2افراد زخمی ہوگئے۔ لاہور کوٹ لکھپت میں ربڑ ی کی فیکٹری میں آگ لگ گئی ‘ ریسکیو حکام کے مطابق ربڑ فیکٹری میں لگنے والی آگ پر قابو پالیا گیاہے‘ ہنجروال میں پولیس سٹیشن کے قریب ملک عمر حیات کی زیر تعمیر عمارت پرمزدور لینٹر ڈال رہے تھے کہ عمارت زمین بوس ہو گئی۔عمارت کی دائیں جانب ٹائروں کی دکان تھی جبکہ بائیں جانب یاسر کاگھر تھا۔دائیں جانب دکاندار اور مزدور محفوط رہے جبکہ بائیں جانب گھر میں موجود یاسر‘اس کی سات سالہ بیٹی نایاب اور چھ سالہ فضا زخمی ہوگئے۔ امدادی ٹیموں نے زخمیوں کو طبی امداد کیلئے ہسپتال منتقل کر دیا۔جہاں زخموں کی تاب نہ لاتے جاں ہوئے بچی فضا جاں بحق ہوگئی ہے۔