اداکار سہیل احمد کی والدہ گوجرانوالہ میں سپرد خاک، نماز جنازہ حافظ سعید نے پڑھائی زرداری ،شجاعت، پرویز الہی، عمران کی تعزیت

گوجرانوالہ (نمائندہ خصوصی + خبرنگار) معروف اداکار سہیل احمد‘ سینئر صحافی ڈاکٹر جاوید احمد‘ پروفیسر اورنگزیب کی والدہ اور مقامی سینئر صحافی تنویر بٹ کی خالہ کی نماز جنازہ کامرس کالج پیپلز کالونی میں ادا کی گئی جبکہ تدفین پیپلز کالونی قبرستان میں کی گئی۔ نماز جنازہ جماعت الدعوة کے امیر حافظ محمد سعید نے پڑھائی نماز جنازہ میں سابق وفاقی وزیر غلام دستگیرخان‘ آر پی او گوجرانوالہ محمدامین وینس‘ سی پی او عبدالرزاق چیمہ‘ سابق ضلعی ناظم لاہور میاں عامر محمود‘ سرکار باﺅ عنایت بٹ‘ سابق صدر چیمبر آف کامرس اخلاق بٹ‘ سٹی صدر مسلم لیگ (ن) عبدالرﺅف مغل‘ معروف اداکار افتخار ٹھاکر کے علاوہ سٹیج کے دیگر فنکاروں سمیت صحافیوں‘ صنعتکاروں اور تاجروں‘ وکلاءکی بڑی تعداد کے علاوہ ہر مکتبہ فکر سے تعلق رکھنے والے افراد نے کثیر تعداد میں شرکت کی،صدر زرداری ۔چودھری شجاعت حسین، چودھری پرویز الہی، مونس الہی، چیئرمین تحریک انصاف عمران خان نے سہیل احمد کی والدہ اور سینئر صحافی ذوالقرنین شیخ کے والد کے انتقال پر دلی رنج و غم کا اظہار کیا۔
سپرد خاک