لاہور (این این آئی)قومی ویمن کرکٹ ٹیم کی منیجر عائشہ اشعر نے کہا ہے کہ ویمن ورلڈ کپ کےلئے قومی ٹیم کی تیاریاں عروج پر ہیں ¾ انشاءاللہ ٹیم ورلڈ کپ میں فتح حاصل کرے گی ¾ ویمن ٹیم کی توجہ صرف اور صرف کرکٹ پر ہے ¾ بھارت جانے میں کوئی پریشانی نہیں۔ ایک انٹرویو میں عائشہ اشعر نے کہاکہ کنٹری کلب مریدکے اور لاہور میں جاری ویمن ٹیم کے تربیتی کیمپ میں کھلاڑیوں کی خامیوں کو کافی حد تک دور کردیا گیا ہے اور کھلاڑی جیت کے جذبہ سے بھارت جائیں گے۔ انہوں نے ایک سوال کے جواب میں بتایا کہ بھارت میں ہونے والا ویمن ورلڈ کپ آئی سی سی کا ایونٹ ہے اور اس میں سیکورٹی کی ذمہ داری آئی سی سی اور آرگنائزر کی ہے اور پی سی بی بھی آئی سی سی کے حکام سے مسلسل رابطہ میں ہے۔ عائشہ اشعر نے کہاکہ ویمن ٹیم کی توجہ صرف اور صرف کرکٹ پر ہے اور کھلاڑیوں کو بھارت جانے میں کوئی پریشانی نہیں ہے۔