لاہور (خصوصی رپورٹر) حمید نظامی پریس انسٹیٹیوٹ آف پاکستان نے ”نوجوانوں کے لئے صحت مند تفریح کے مواقع، صورتحال اور مسائل“ کے موضوع پر سیمینار کا اہتمام کیا ہے جو اس کے اپنے آڈیٹوریم واقع 4-C ایل ڈی اے فلیٹس شاہراہ مجید نظامی نزد چائنہ چوک میںآج بروز منگل 2 بجے سہ پہر منعقد ہوگا۔ اختر رسول چودھری (صدر پاکستان ہاکی فیڈریشن) صدارت کریں گے۔ عثمان انور (ڈائریکٹر جنرل حکومت پنجاب، محکمہ امور نوجوانان اور سپورٹس) اور محمد قوی خان (ٹیلی وژن/ فلم آرٹسٹ) مہمانان خصوصی ہوں گے۔ مقررین میں خالد ملک (صدر کائٹ لورز ایسوسی ایشن پاکستان) اور حافظ عمران (اینکر پرسن سپورٹس، وقت نیوز) شامل ہیں۔