لاہور میں بارش کے باعث شہر کے سترفیصد سے زائد فیڈر ٹرپ کرگئے جس سے متعدد علاقے بجلی سے محروم ہوگئے

لاہورمیں فیڈر ٹرپ کرنے سے صدر کینٹ،تاج باغ،ہربنس پورہ،فتح گڑھ،لال پل،دھرم پورہ،گرین ٹاون، ٹاون شپ ،جوہر ٹاون،سبزہ زار،اسلام پورہ،شاد باغ اور اقبال ٹاون سمیت دیگر علاقوں سے بجلی غائب ہوگئی، لیسکو حکام کے مطابق بارش تھمنے کے بعد بجلی بحال کردی گئی ہے بجلی کی بندش کے باعث لوگوں کو شدید مشکلات کا سامنا کرنا پڑا، دوسری جانب بارش کے باعث موٹر وے ، جی ٹی روڈ اور نیشنل ہائی وے پر الرٹ جاری کر دیا گیا ہے، ترجمان موٹر وے عمران شاہ کے مطابق موٹر وے پر بارش کے باعث پھسلن ہے،ڈرائیور حضرات احتیاط سے گاڑی چلائیں  اور اوور ٹیکنگ سے گریز کریں