سیریز میں پاکستانی اوپننگ جوڑیوں کے تما م تجربے فلاپ

لاہور(آئی این پی) پاکستان نے نیوزی لینڈ سے ون ڈے سیریز کے 5 میچز میں 4 مختلف اوپننگ جوڑیاں آزمائیں مگر ایک بھی کامیاب نہ ہوئی۔قومی ٹیم کی نیوزی لینڈکیخلاف سب سے بڑی شراکت 14رنز فخرزمان اور عمرامین کے مابین بنی،دیگر میچز میں اوپنرز 10رنز کا آغاز بھی فراہم نہیں کرسکے۔ دوسرے مقابلے میں امام الحق کو میدان میں اتارا گیا، انھوں نے صرف 2 رن پر وکٹ گنوائی تو گرین شرٹس کا ٹوٹل صرف 5 تھا، تیسرے میچ میں اظہرنے کھاتہ بھی نہیں کھولا، فخرزمان 2پر ہمت ہارگئے۔ چوتھے میچ میں فہیم اشرف کا تجربہ کیا گیا، انھوں نے صرف ایک رن پر وکٹ گنوائی تو مجموعی اسکور 7تھا، پانچویں میچ میں ایک نئی جوڑی میدان میں اتاری گئی، عمرامین کو بطور اوپنر بھیجا گیا،انھوں نے صرف 2رنز بناکر وکٹ کی قربانی پیش کی تو ٹوٹل 14 تھا،پانچوں میچز اوپنرز نے مجموعی طور پر 156 رنز جوڑے، اوسط 17.33رنز فی وکٹ رہی،ان میں سے فخرزمان کے ناقابل شکست 72اور دوسری اننگز میں 54کو نکال دیں تو دیگر کی مجموعی طور پر 8اننگز میں صرف 30رنز بنائے گئے اور ایوریج 3.75بنتی ہے۔