دنیا پور:کار نہر میں جا گری، ماں 2 بچوں سمیت جاں بحق

اڈا ذخیرہ‘ دنیا پور‘ وہاڑی (نامہ نگار‘ نمائندہ نوائے وقت) کار نہر میں جا گری، بس کی ٹکر‘ موٹر سائیکل ‘ ٹریکٹر ٹرالی سے ٹکرا گئی‘ ماں 2 بچوں سمیت 4 جاں بحق‘ اڈا ذخیرہ سے نا مہ نگارکے مطابق نواحی کھوہ رڈ والا کے عزیز احمد کی اہلیہ 34سالہ ثمینہ جو کہ گورنمنٹ گرلزمڈل سکول گاہی ممڑ میں ٹیچر تھی صبح بیٹے سات سالہ حسیب احمد جو کہ تیسری جماعت کا طالب علم تھا اور چا ر سالہ اقراء نذیر جو کہ دوسری جماعت کی طالبہ تھی کو سکول چھوڑنے اور خود سکول جانے کیلئے اپنی سوزوکی کارپر جا رہی تھی کہ ہیڈ مانجھا موڑ کاٹتے کار نہر میں جا گری ، دنیاپور سے نامہ نگارکے مطابق معلوم ہوا ہے کہ سکول ٹیچر ثمینہ اشرف جو ابھی اناڑی ڈرائیور تھیں جس نے ایک ہفتہ قبل گاڑی چلانا سیکھی اور پہلے روز خود ڈرائیو کرکے اپنے بچوں کو سکول چھوڑنے کے لئے گاہی ممڑ جارہی تھی ۔وہاڑی سے نامہ نگارکے مطابق نواحی علاقہ اڈہ پل کے اللہ دتہ کھوکھرکا چودہ سالہ بیٹا اپنی والدہ کیساتھ موٹرسائیکل پر پکھی موڑ جا رہے تھے کہ چک 577EB کے قریب ٹریکرٹرالی سے ٹکرا کرجاں بحق ہوگیا ۔