پیراگوئے کی جیل سے76 خطرناک قیدی فرار ہو گئے

اسنسیون(اے پی پی) جنوبی امریکی ملک پیراگوئیکی جیل سے 76 خطرناک قیدی فرار ہو گئے۔ فرانسیسی خبر رساں ادارے کے مطابق پولیس کی ترجمان ایلینا اینڈرڈا نے بتایا کہ یہ واقعہ شہر پیڈرو جوآن کابالیرو میں برازیل کی سرحد کے قریب پیش آیا ، فرار ہونے والے قیدیوں میں 40کا تعلق برازیل اور 36کا پیراگوئے سے ہے۔
جو منشیات فروشی اور اسلحہ کی سمگلنگ میں ملوث گینگ کے رکن تھے۔ انہوں نے بتایا کہ قیدیوں کی دوبارہ گرفتاری کے لیے کوششیں جاری ہیں جبکہ غفلت برتنے پر جیل کے وارڈن کو معطل اور درجنوں گارڈز کو گرفتار کر لیا گیا ہے۔