آئی سی سی ون ڈے رینکنگ: بابر اعظم تیسرے نمبر پر موجود، محمد عامر ساتویں نمبر پر آگئے

دبئی (آئی این پی) انٹرنیشنل کرکٹ کونسل (آئی سی سی)نے نئی ون ڈے رینکنگ جاری کردی ہے جس کے مطابق عمدہ پرفارمنس کے بعد پاکستان کے بابر اعظم تیسرے نمبر پر ہیں جبکہ محمد عامر ایک درجہ ترقی کے بعد ساتویں نمبر پر آگئے۔آئی سی سی ون ڈے رینکنگ میں بلے بازوں کی فہرست میں قومی ٹی ٹوئنٹی ٹیم کے کپتان بابر اعظم کی تیسری پوزیشن برقرار ہے، بھارتی کپتان ویرات کوہلی بدستور نمبر ون ہیں، روہت شرما دوسرے، فاف ڈوپلیسی چوتھے، روس ٹیلر پانچویں، ڈیوڈ وارنر چھٹے، کین ولیمسن ساتویں، جوئے روٹ آٹھویں، کوئنٹن ڈی کک نویں اور ایرون فنچ دسویں نمبر پر ہیں۔بولرز کی فہرست میں بھارتی بولر جسپریت بمرا پہلے نمبر پر ہیں اور ٹرینٹ بولٹ، مجیب الرحمان، کاگیسو ربادا، پیٹ کمنز، کرس ووئیکس، بالترتیب دوسرے سے چھٹے نمبر پر موجود ہیں۔ محمد عامر ایک درجہ ترقی پاتے ہوئے ساتویں نمبر پر آگئے ہیں جب کہ میٹ ہینری، ،لوکی فرگوسن اور مچل اسٹارک بھی ٹاپ ٹین میں شامل ہیں۔ویرات کوہلی نمبر ون، روہت شرما دوسرے، فاف ڈوپلیسی چوتھے، روس ٹیلر پانچویں، ڈیوڈ وارنر چھٹے، کین ولیمسن ساتویںنمبر پر موجود ہیں ۔