لاہور (سپورٹس رپورٹر) بیٹل ایکس پولو کپ 2020ء لاہور پولو اینڈ کنٹری کلب میں شروع ہوگیا۔ پہلے روز ڈائمنڈ پینٹس نے ذکی فارم پولو ٹیم کو 9-7.5 سے ہرا دیا۔ ڈائمنڈ پینٹس اور ذکی فارم پولو ٹیم کے درمیان دلچسپ مقابلہ ہوا جو ڈائمنڈ پینٹس نے 9-7.5 سے جیتا۔ ڈائمنڈ پینٹس کی طرف سے حسام علی حیدر نے چار، میر حذیفہ احمد نے تین جبکہ میر شعیب احمد اور راجہ ارسلان نجیب نے ایک ایک گول سکور کیا۔ذکی فارم پولو ٹیم کو اڑھائی گول ہینڈی کیپ ایڈوانٹیج حاصل تھا جبکہ دیگر پانچ گولوں میں ہاشم کمال آغا اور حمزہ خان نے دو دو جبکہ نذر دین محمد نے ایک گول سکور کیا۔