بالائی علاقوں میں موسم شدید سرد،میدانی علاقوں میں دھند  چھاے رہنے کا امکان

اسلام آباد(نوائے وقت نیوز)ملک کے بالائی علاقوں میں موسم شدید سرد جبکہ میدانی علاقوں میں دھند چھاے رہنے کا امکان ہے۔ محکمہ موسمیات کے مطابق(آج) جمعرات کے روز پنجاب کے میدانی علاقوں اور بالائی سندھ میں دھند چھاے رہنے کا امکان ہے۔ کشمیر، گلگت بلتستان،بالائی خیبرپختونخوا اور شمالی بلوچستان میں موسم شدید سرد جبکہ ملک کے دیگر علاقوں میں موسم سرد اور خشک رہے گا۔ گذشتہ 24 گھنٹے کے دوران ملک کے بیشتر علاقوں میں موسم سرد اور خشک جبکہ شمالی بلو چستان اور بالائی علاقوں میں شدید سردرہا۔ پنجاب کے میدانی علاقوں میں دھند چھائی رہی۔ اس دوران ملک میں کم سیکم درجہ حرارت لہہ منفی 13،اسکردو منفی 12،گوپس منفی11 ، استورمنفی10 ، اننت ناگ منفی 09،بگروٹ منفی 07، ہنزہ ،کالام اور گلگت میں منفی 05ڈگری سینٹی گریڈریکارڈ کیا گیا۔