کراچی (وقائع نگار)پیزا بوائے کا روپ دھار کر اسٹریٹ کریمنلز نے شہری کو لوٹ لیا، واقعے کی سی سی ٹی وی فوٹیج سوشل میڈیا پر وائرل ہوگئی۔تفصیلات کے مطابق شارع فیصل کے علاقے گلستان جوہر بلاک 16 A غازی فوڈ کے قریب اسٹریٹ کرائم کا انوکھا واقعہ موٹر سائیکل سوار مسلح ملزمان نے آن لائن ڈلیوری بوائے کی طرح پیچھے بیگ بھی رکھا ہواتھا، ملزمان نے شہری سے موبائل فون، نقدی و دیگر ضروری دستاویزات لوٹ کر فرار ہوگئے۔ واقعے کی سی سی ٹی وی میں شہری کو موٹر سائیکل اسٹارٹ کرنے کی کوشش کرتے دیکھا جا سکتا ہے، فوٹیج اسی دوران موٹرسائیکل پر سوار 2 ملزمان آگئے پیچھے بیٹھا ملزم اترا اور شہری کی تلاشی لینے لگا ملزم نے اپنے پیچھے فوڈ ڈیلیوری باکس بھی پہن رکھا تھا دونوں ملزمان نے چہرے پر ماسک بھی پہنے تھے ملزمان کو دیکھ کر یہی گمان ہوتا کہ وہ فوڈ ڈیلیوری بوائے ہیں ملزم شہری کی ماہرانہ انداز میں تلاشی لیتا رہا ملزمان شہری سے لوٹ مار کے بعد فرار ہوگئے۔