کامونکے:تجاوزات کیخلاف آپریشن ‘غیر قانونی قائم سپیڈ بریکرز اور پختہ تھڑے مسمار 

کامونکے(نامہ نگار)تجاوزات کیخلاف میونسپل کارپوریشن کا آپریشن پانچوں روز بھی جاری،تولیکی روڈ اور کسوکی روڈ پر آپریشن کے دوران غیر قانونی قائم سپیڈ بریکرز اور پختہ تھڑے مسمار کئے گئے۔تفصیل کے مطابق یہاں پر میونسپل کارپوریشن نے پانچ روز سے شہر کی اہم سڑکوں اور چوکوں میں تجاوزات کیخلاف آپریشن جاری کر رکھا ہے۔گذشتہ روز اسسٹنٹ کمشنر قرا? العین ظفر کے حکم پر میونسپل کارپوریشن کے چیف آفیسر چودھری خرم شہزاد،ایم او آر مس حرا حفیظ اور محمد سلیم کی نگرانی میں میونسپل کارپوریشن نے بھاری مشینر ی سے آپریشن کرتے ہوئے تولیکی روڈ سے شر یف پورہ تک اور کسوکی روڈپر قائم غیر قانی سپیڈ بریکرز اورنالوں پر بنے پختہ تھڑے مسمار کردیئے ہیں یہاں پر یہ قابل ذکر ہے کہ ادھر میونسپل کارپوریشن تجاوزات ختم کرتے ہوئے پختہ تھڑے مسمار کرکے جاتے ہیں تھوڑی دیر بعد دکاندار دوبارہ سے بنا لیتے ہیں۔