پسنی (نامہ نگار) پسنی‘ چپڑاسی کے تبادلے پرگورنمنٹ گرلز ہائی اسکول پسنی کی طالبات سراپا احتجاج ریکپشت ٹو پسنی شہر کے مین روڈ احتجاجاََ بلاک کردیا۔پسنی کے سب سے بڑے گرلزہائی اسکول کو چپڑاسی کی فراہمی یقینی بنائی جائے۔ تبادلہ کردہ چپڑاسی کے آرڈرکو فی الفور منسوخ کیا جائے۔احتجاجی طالبات کا مطالبہ۔اسسٹنٹ کمشنر پسنی محمدجان بلوچ کی یقین دہانی پر احتجاج ختم کردی گئی۔تفصیلات کے مطابق گورنمنٹ گرلز ہائی اسکول کی طالبات نے میل چپڑاسی کے تبادلے پر کلاسوں کا مکمل بائیکاٹ کرکے ریکپشت کے مین روڈ کو بلاک کرکے شدید احتجاج ریکارڈ کرایا ستم ظریفی کہ پسنی کا سب سے بڑا گرلز ہائی اسکول کے لقب پانے والے اسکول میں چپڑاسی اور بنیادی سہولیات نہ ہونے کے سبب ہم طالبات اپنے کلاس رومز اور دیگر کام خود کرنے پر مجبور ہیں۔