لاہور(سپورٹس رپورٹر) 17ویں چولستان ڈیزرٹ ریلی 8 سے 13 فروری کو منعقد کی جائے گی جس کا پرومو بھی جاری کردیا گیا ہے۔حکومت پنجاب کے ترجمان حسان خاور نے پرومو لانچنگ تقریب میں شرکت کی۔ریلی میں پاکستانی خواتین ڈرائیورز بھی شریک ہوں گی ، انعامی رقم 50 لاکھ سے زائد ہوگی ، ریلی کی 9 کیٹگیریز ہوں گی ، ریلی کا فاصلہ 500 کلومیٹر ہوگا اور 100 سے زائد پروفیشنل ڈرائیورز شریک ہوں گے۔ریلی کا دورانیہ 4 دن ہوگا جبکہ بہاولپور ، بہاولنگر اور رحیم یار خان کے اضلاع شامل ہوں گے اور ڈیزرٹ ریلی کے موقع پر کلچر نائٹ ، آتش بازی اور ٹینٹ ویلیج ہوں گے۔