گورنمنٹ کالج یونیورسٹی ‘سکیورٹی سٹاف نے انٹر ڈیپارٹمنٹل کرکٹ ٹورنا منٹ جیت لیا 

لاہور ( سٹاف رپورٹر)گورنمنٹ کالج یونیورسٹی لاہور کے سکیورٹی سٹاف نے انٹر ڈیپارٹمنٹل سٹاف کرکٹ ٹورنامنٹ جیت لیا،فائنلز میں ٹریژر آفس کی ٹیم کو 42 رنز سے شکست دیدی۔ ٹورنامنٹ میں 17 ٹیموں نے حصہ لیا۔فائنل میچ کے مہمان خصوصی وائس چانسلر پروفیسر ڈاکٹر اصغر زیدی تھے جبکہ رجسٹرار ڈاکٹر شوکت علی، کنٹرولر امتحانات محمد شہزاد اور ڈائریکٹر سپورٹس محمد وسیم بھی موجود تھے۔سکیورٹی ٹیم نے 8 اوورز میں 178 رنز بنائے۔ شاہد محمود کو 120 رنز بنانے پر مین آف دی میچ قرار دیا گیا۔ٹریژر آفس کی ٹیم چار وکٹوں پر 136 رنز بناسکی۔ وائس چانسلر پروفیسر زیدی نے کہا کہ اس طرح کی کھیلوں کی سرگرمیاں عملے کے درمیان تفریق کو ختم کرتی ہیں اور انہیں ایک مضبوط ٹیم کے طور پر متحد کرتی ہیں جو کسی بھی چیلنج کا مقابلہ کر سکتی ہے۔