لاہور(خصوصی نامہ نگار)وفاق المدارس الشیعہ پاکستان کے صدر آیت اللہ حافظ سید ریاض حسین نجفی نے کہا ہے کہ ہم مسلمانوں کیلئے باعث قابل فخر بات ہے کہ ہمارے نبی خاتم الانبیاء اور سیدالمرسلین حضرت محمد مصطفیؐ کائنات کی معززترین شخصیت ہیں مگر افسوس رحلت پیغمبر کے بعدہمارا راستہ تبدیل ہوگیا اور مسلمان تقسیم ہوگئے۔ اسلام آخری دین ہے جس کا پہلا درس اقراء یعنی علم ہے تا کہ انسان آسمانوں اور زمینوں کا تصرف کر سکے۔ قرآن آخری کلام الٰہی ہے جس میں ہر خشک و تر کا ذکر ہے۔حیرت ہے کہ ہم 24 گھنٹوں میں سے 5 منٹ بھی قرآن کو نہیں دیتے۔قرآن مجید 23 سال میں نازل ہوا۔ اس میں صرف 6 فیصد آیات مشکل ہیں۔