لاہور (سپورٹس رپورٹر) جناح پولو فیلڈز کے زیراہتمام میجز جنرل سعید الزماں جنجوعہ میموریل پولو کپ کا فائنل کل ریمنگٹن فارما اور پلاٹینم ہومز /ماسٹر پینٹس کی ٹیموں کے درمیان کھیلا جائیگا۔جناح پولو فیلڈز میں دونوں سیمی فائنلز ہوئے۔ سرد موسم میں پولو میچز سے لطف اندوز ہونے کیلئے کھلاڑیوں اور فیملیز کی اچھی تعداد گراؤنڈ میں موجود تھی۔ پہلے سیمی فائنل میں پلاٹینم ہومز /ماسٹر پینٹس نے ڈائمنڈ پینٹس /نگینہ گروپ کی ٹیم کو زبردست مقابلے کے بعد 9-8 سے ہرا دیا۔ دوسرے سیمی فائنل میں ریمنگٹن فارما نے ایف جی /دین پوگو کو 5-3.5 سے ہرا دیا۔