ہور(سپورٹس رپورٹر)پاکستان کے فاسٹ بائولر وہاب ریاض نے ٹی ٹونٹی کرکٹ میں400وکٹیں مکمل کرنے کا اعزا ز حاصل کرلیا۔ وہ یہ سنگ میل عبور کرنے والے پاکستان کے پہلے بائولر بن گئے ہیں۔وہاب ریاض ٹی ٹونٹی کرکٹ میں 400 وکٹیں مکمل کرنے والے دنیا کے چھٹے بائولر اور دوسرے فاسٹ بائولر ہیں۔ ان سے قبل فاسٹ بائولر ڈوین براوو نے یہ اعزاز حاصل کر رکھا ہے۔ٹی ٹونٹی کرکٹ میں اب تک سب سے زیادہ 614 وکٹیں لینے کا اعزاز ڈوین براوو کے پاس ہے جبکہ افغانستان کے راشد خان 496 وکٹوں کیساتھ دوسرے، ویسٹ انڈیز کے سنیل نارائن 474 وکٹوں کیساتھ تیسرے، جنوبی افریقہ کے عمران طاہر چوتھے، بنگلہ دیش کے شکیب الحسن پانچویں اور وہاب ریاض چھٹے نمبر پر ہیں۔انہوں نے گزشتہ روز بنگلہ دیش پریمیئر لیگ کے میچ میں چاروکٹیں حاصل کرکے یہ اعزاز حاصل کیا‘ان کی وکٹوں کی تعداد401ہوگئی ہے ۔ محمد رضوان نے ٹی ٹونٹی فارمیٹ میں 6ہزار رنز مکمل کرلئے ۔ انہوں نے یہ کارنامہ بنگلہ دیش پریمیئر لیگ کے دوران نصف سنچری سکورکرکے سر انجام دیا ۔