لاہور(سپورٹس رپورٹر)پاکستان کرکٹ بورڈ کی مینجمنٹ کمیٹی کے سربراہ نجم سیٹھی نے کہا ہے کہ افسوس علی سیٹھی پاکستان سپر لیگ کا گانا نہیں گا سکے گا۔ علی سیٹھی کو بھی اس بات کا افسوس ہے، جب میں نہیں ہوں گا تب علی سیٹھی کو لے آئیں گے۔ میری پوزیشن بھی دیکھیں، میں تنازعہ میں نہیں پڑنا چاہتا۔پی سی بی کی سابقہ مینجمنٹ پی ایس ایل کے ترانہ کیلئے علی سیٹھی سے رابطے میں تھی جس کیلئے نجم سیٹھی کے صاحبزادے علی سیٹھی امریکہ سے لاہور بھی آگئے تھے۔تاہم نجم سیٹھی نے عہدہ سنبھالنے کے بعد علی سیٹھی سے معاملات معطل کرادیئے۔ نجم سیٹھی نے مفادات کے ٹکراؤ سے بچنے کیلئے یہ قدم اٹھایا۔