سکھر(بیورو رپورٹ) ایدھی سینٹر سکھر کی ٹیم کا محبت بھرا کارنامہ ، لاپتہ ہونے والی بچی کی تلاش کر کے ورثاء کے حوالے کر دی گئی ، ورثاء کا ایدھی ٹیم سے اظہار تشکر ، ایدھی انفارمیشن ڈیسک سکھر کے جاری کردہ بیان کے مطابق ایدھی سینٹر سکھر کو ڈھک روڈ کے علاقے سے ایک نامعلوم بچی ملی جس کے ورثاء کی تلاش کیلئے ایدھی سینٹر سوشل میڈیا کے زریعے آگاہ کیا گیا کئی گھنٹوں کی جدوجہد کے بعد ایدھی سینٹر بندر روڈ سکھر پر بچی کے والد سجاد عباسی سکنہ میانی روڈ نے پہنچ کر بتایا کہ یہ بچی اسکی ہے اور اسکا نام مصباح ہے جو لاپتہ ہو گئی تھی اور اسکی تلا ش کی جا رہی ہے شناخت ہونے پر ایدھی سینٹر ٹیم سکھر نے بچی مصباح کو اسکے والد کے حوالے کر دیا ، ورثاء کی جانب سے بچی کی تلاش میں ایدھی ٹیم سکھر سے اظہار تشکر کیا گیا ۔