حافظ آباد(نمائندہ نوائے وقت) بتایا گیا ہے کہ بلقیس زوجہ افتخار کھچی سکنہ لاہور اپنے شوہر افتخار کے ہمراہ موٹر سائیکل پر  چنیوٹ جارہی تھی کہ نواحی گائوں ٹبہ شاہ بہلول کے قریب  جمپ لگنے سے  موٹر سائیکل سے نیچے گر گئی جسے پیچھے سے آنے والے تیز رفتارٹرک نے کچل کر ہلاک کردیا جس کے بعد ٹرک ڈرائیور  فرارہوگیا۔دوسری جانب جگانوالہ کے قریب ساٹھ سالہ موٹر سائیکل  سوار  عبدالرشید سکنہ کشمیر نگر جو  جگانوالہ  جارہا تھا  مسافر بس سے ٹکراکر شدیدزخمی ہوگیا جسے فوری  ٹراما سنٹر منتقل کردیا گیا۔دریں اثناء  کوٹ نکہ کے قریب تیزرفتارموٹر سائیکل سوارنے سڑک پار کرتی سات سالہ بچی زنیرہ دختر بابر کو ٹکر مار کر شدید زخمی کردیا ،اسے ہسپتال منتقل کردیا گیا۔