سعودی عرب ہوٹلوں کے نئے کمروں کی تعمیر میں خطے میں سب سے آگے

سعودی عرب ہوٹلوں کے نئے کمروں کی تعمیر میں خطے میں سب سے آگے ہے ۔عرب نیوز کے مطابق تجزیاتی کمپنی ایس ٹی آر کی جانب سے جاری اعداد و شمار میں بتایا گیا ہے کہ دسمبر میں خطے میں 2لاکھ38ہزار635 ہوٹلزکے کمرے معاہدے کے تحت تعمیر کئے گئے تھے جو کہ 2021 میں اسی مہینے کے مقابلے میں 1.1 فیصد زیادہ ہے۔ یورپ میں 11.2 فیصد کمی، ایشیا پیسیفک میں 5.4 فیصد اور امریکا میں 3.2 فیصدکمی ریکارڈ کی گئی ہے ۔مشرق وسطی اور افریقا میں ہوٹل کے کمروں کی تعمیر میں سعودی عرب سب سے آگے تھا جس کی تعداد 40 ہزار 742 تھی۔متحدہ عرب امارات 27 ہزار 456 کمروں کے ساتھ دوسرے نمبر پر تھا۔