آڑڈبلیوایم سی مری کے تمام ملازمین میںموسم سرما کیلئے کیٹس تقسیم

  مری(نامہ نگار خصوصی)ڈپٹی کمشنر مری آغاظہیر شیرازی کی خصوصی ہدایت پرآڑڈبلیوایم سی مری کے تمام ملازمین کوموسم سرما کے لئے نئے گرم یونیفارم ،جیکٹیں اورجوتے فراہم کردئیے گئے۔ اس سلسلے میں گزشتہ روز آرڈبلیوایم سی کے اسسٹنٹ منیجر آپریشن مری طلحہ میر نے منیجر آپریشن راجہ محمداسحاق کی ہدایات پرعمل کرتے ہوئے زونل آفیسر ساجدعلی کی موجودگی میں ملازمین کو گرم ور دی،جیکٹس اورجوتے تقسیم کئے گئے ،ڈی سی مری کی ہدایت پر آرڈبلیوایم سی کے ورکرز اسسٹنٹ منیجر آپریشن اورزونل آفیسر ساجد علی کی نگرانی میں صفائی کو یقینی بنانے اورسیاحوں کو صحت مندماحول فراہم کرنے کیلئے  دوشفٹوںمیں کام کررہے ہیں ان کی کارکردگی پر ان کو گرم لباس اوردیگر اشیاء فراہم کی گئی ہیں تاکہ وہ شدید سردی سے خود کوبچاسکیں۔