8 فروری کوجیت انتخابی نشان گھڑیال کی ہوگی،ڈاکٹر طیبہ ممتاز

راولپنڈی(اپنے سٹاف رپورٹر سے)حلقہ پی پی 16 راولپنڈی سے امیدوار صوبائی اسمبلی بنت راولپنڈی ڈاکٹر طیبہ ممتاز خان نے کہا ہے کہ بجلی،گیس اور پٹرول مہنگا کرنے والوں کو عوام مسترد کردیں گے۔آٹھ فروری کو مخالفین کو آلو،پیاز، ٹماٹر اور آٹے،چینی کا بھائو معلوم ہو جائے گاجبکہ جیت انتخابی نشان گھڑیال کی ہوگی۔ان خیالات کا اظہار انہوں نے گزشتہ روز ڈھوک رتہ،ڈھوک حسو اور ڈھوک منگٹال میں ڈور ٹو ڈور انتخابی مہم کے دوران ووٹروں سے بات چیت کرتے ہوئے کیا۔انہوں نے کہا کہ میری جیت راولپنڈی کی خواتین بالخصوص نوجوانوں کی جیت ہوگی اور ہم سب مل کر اس ملک بالخصوص اس شہر کا مستقبل سنواریں گے ڈاکٹر طیبہ ممتاز خان نے مزید کہا کہ وطن عزیز کا مستقبل تابناک بنانے کے لیے پڑھے لکھے نوجوانوں کو روزگار فراہم کریں گے اور راولپنڈی کو مثالی ترقی یافتہ بنا کر وفاقی دارلحکومت اسلام اباد کے ہم پلہ شہر بنائیں گے۔