عوام 8فروری کو شیر پر مہریں لگاکرمسلم لیگ ن کو کامیاب بنائیں،سجاد خان

راولپنڈی(اپنے سٹاف رپورٹر سے)پاکستان مسلم لیگ ن کے رہنمااور امیدوارپی پی 18سجاد خان نے ملک بھراورراولپنڈی کے عوام سے کہاہے کہ 8فروری کو پولنگ والے دن مسلم لیگ ن اورمیاں نواشریف کے انتخابی نشان شیر پر مہریں لگاکرمسلم لیگ ن کو شاندارکامیابی اور میاں نواز شریف کو ملک کا چوتھی باروزیر اعظم بنانیکی راہ ہموار کریں اگر ملک کے غیور عوام نے مسلم لیگ ن کے امیدواروں کوبھاری اکثریت سے الیکشن 2024 میں فتح سے ہمکنارکیاتو دنیاکی کوئی طاقت میاں نواز نشریف کی قیادت میں مسلم لیگ ن کو حکومت بنانے سے نہیں روک سکتی بلاول بھٹو اورپی ٹی آئی کے آزاد امیدوار جس قدر مرضی زور لگالیں اب ملک کے باشعور عوام کو بیوقوف نہیں بناسکتے عوام بخوبی جانتے ہیں میاں نوازشریف نے اپنی حکومت کے دوران بیمثال ترقیاتی کام کروائے ہیں بجلی کی لوڈ شیڈنگ اوردہشتگردی ختم کی ہے ملک کوایٹمی قوت بنایاجبکہ راولپنڈی میں اربوں روپے کے ترقیاتی کام کروائے ہیں حکومت میں آکر نہ صرف ملک میں بلکہ راولپنڈی میں مزید ترقیاتی کام کروائے جائیں گے ہم مسلم لیگی امیدوار پی ٹی آئی اورپیپلزپارٹی کی طرح جھوٹے وعدے نہیں کرتے ان خیالات کا اظہار انہوں نے یونین کونسل 29 میں مسلم لیگی رہنما عبداللہ خان کی جانب سے سجاد خان کے اعزاز میں دیئے گئے استقبالیہ اورکارنر میٹنگ سے خطاب کرتے ہوئے کیا۔