انڈر19کرکٹ ورلڈ کپ ‘پاکستان نے افغانستان کو 181رنز سے ہرا دیا 

لاہور(سپورٹس رپورٹر)جنوبی افریقہ میںجاری انڈر19کرکٹ ورلڈ کپ میں پاکستان نے اپنے پہلے میچ میں افغانستان کو 181رنز سے شکست دیدی ۔ پاکستان نے 9وکٹوں پر 284رنز بنائے ۔ شاہ زیب خان 106اور کپتان سعد بیگ 55رنز بناکر نمایاں رہے ۔  افغانستان کی ٹیم 26.3ا وورز  میں 103رنز پر ڈھیر ہوگئی ۔ چار کھلاڑی ڈبل فگر میں داخل ہوسکے ۔ حسن عیسیٰ خیل 19‘سہیل خان 20‘نعمان شاہ 26اور رحیم اللہ 20رنز بناکر نمایاں رہے ۔ وفیع اللہ صفر ‘جمشید زادران ایک ‘نصیر خان صفر ‘عرب گل دو ‘ایم غضنفر دو ‘خلیل احمد چاررنز بناکر آئوٹ ہوئے ۔ عبید شاہ نے چار ‘محمد ذیشان نے تین ‘‘عامر حسن اور احمد حسین نے ایک ایک کھلاڑی کو آئوٹ کیا۔ ذیشان خان کو میچ کا بہترین کھلاڑی قرار دیا گیا ۔ پاکستان دوسرا میچ زمبابوے کیخلاف 24جنوری کو کھیلے گا۔ انگلینڈ نے سکاٹ لینڈ کو 7وکٹوں سے ہرا دیا ۔ سکاٹ لینڈ کی ٹیم 174رنز پر ڈھیر ہوگئی ۔ انگلینڈ نے ہدف تین وکٹوںپر پورا کرلیا ۔ بھارت نے بنگلہ دیش کو 84رنز سے ہرادیا ۔