رحیم یار خان میں جنوبی وزیرستان کے 6 مشکوک افراد گرفتار

رحیم یار خان (کرائم رپورٹر) حساس اداروں کی کامیاب کارروائی، ریلوے روڈ پر واقع ہوٹل سے جنوبی وزیرستان سے تعلق رکھنے والے 6 مشکوک افراد گرفتار کر لیے گئے۔ تفصیل کے مطابق گذشتہ شب یوم شہادت حضرت علیؓ کے موقع پر حساس اداروں نے رات گئے ریلوے روڈ پر واقع ہوٹل پر چھاپہ مار کر جنوبی وزیرستان سے تعلق رکھنے والے 6 مشکوک افراد کو گرفتار کر لیا۔ گرفتار ہونے والوں میں محمد خان، ظفر خان، عبدالخالق، احمد شاہ، فضل الرحمان اور یونس شامل ہیں جن کی عمریں 20 سے 25 سال کے درمیان ہیں۔