لاہور(نامہ نگار) باغبانپورہ کے علاقے میں قبرستان سے 25سالہ نامعلوم لڑکی کی نیم برہنہ تشدد زدہ گلی سڑی نعش ملی ہے۔ باغبانپورہ کے علاقے شاہ گوہر پیر قبرستان میں جھاڑیوں میں نامعلوم جواں سالہ لڑکی کی نیم برہنہ نعش دیکھ کر گورکن نے پولیس کو اطلاع کی۔شبہ ہے کہ نامعلوم افراد نے اسے اغواء کرنے کے بعد زیادتی کا نشانہ بنایا اور پھر اسے تشددکر کے قتل کردیا اور نعش یہاں پھینک کر فرار ہوگئے ہیں، تاہم اصل حقائق پوسٹ مارٹم رپورٹ اور ورثاء کے ملنے پر سامنے آئیں گے ۔