امریکی سپریم کورٹ نے امریکی صدر ڈونلڈ ٹرمپ کی سفری پابندیوں کے قانون پر عملدرآمد کی اجازت دے دی

واشنگٹن(صباح نیوز)امریکی سپریم کورٹ نے امریکی صدر ڈونلڈ ٹرمپ کی سفری پابندیوں کے قانون پر عملدرآمد کی اجازت دے دی ہے۔عدالت نے حکم دیاہے کہ 6 مسلمان ملکوں سے اپنے رشتہ داروں سے ملنے کے لئے آنے والے مسافروں کے ساتھ رعایت برتی جائے۔ غیر ملکی خبر رساں ایجنسی کے مطابق سپریم کورٹ نے اپنے فیصلے میں ٹرمپ انتظامیہ کو اجازت دی کہ وہ 7 مسلمان ملکوں کے پناہ گزینوں سے متعلق اپنی نئی پالیسی پر عمل درآمد کرے لیکن 6 ملکوں خاص طور پر مسلمان ملکوں سے اپنے رشتہ داروں سے ملنے کے لئے امریکہ آنے والے مسافروں سے رعایت برتی جائے اور انہیں اپنے پیاروں سے ملنے دیا جائے۔ٹرمپ کی پابندی کے مطابق تمام پناہ گزین 120 روز تک امریکہ میں داخل نہیں ہوسکیں گے۔ شام کے شہریوں کے داخلے پر مکمل پابندی ہوگی۔ امریکہ کی وفاقی ریاستی عدالتوں نے ٹرمپ کی پناہ گزینوں سے متعلق پابندی کو معطل کردیا تھا لیکن ٹرمپ انتظامیہ نے اپیل عدالتوں کے بعد سپریم کورٹ سے رجوع کیا تھا۔ اب اعلیٰ عدالت نے ڈونلڈ ٹرمپ کے حق میں فیصلہ دے دیا ہے۔
امریکی سپریم کورٹ