کراچی :رینجرز کی کارروائیاں، 5ملزم گرفتار، اسلحہ اورمنشیات برآمد

کراچی(صباح نیوز) رینجرز نے شہر قائد کے مختلف علاقوں میں کاررروائیاں کرکے5ملزمان کو گرفتار کرکے بھاری تعداد میں غیرقانونی اسلحہ، مسروقہ سامان اور منشیات برآمد کرلی ۔تفصیلات کے مطابق رینجرز نے کراچی کے علاقے بغدادی میں کارروائی کرکے لیاری گینگ وار کے ملزم ساحل کو گرفتار کرلیا، ملزم کا تعلق لیاری گینگ وار کے زاہد لاڈلاگروپ سے ہے۔ترجمان رینجرز نے بتایا کہ سعیدآباد سے دو ملزمان محمد نعمان اورطاہرحسن کو گرفتار کیا گیا ہے،گرفتار ملزمان ڈکیتی اور اسٹریٹ کرائم کی متعدد وارداتوں میں ملوث رہے ،اس کے علاوہ ماڈل کالونی میں کارروائی کرکے دو ملزمان یاسر خان اور خلیل احمد کو حراست میں لیا گیا ہے، مذکورہ ملزمان منشیات فروشی کے کاروبار میں ملوث ہیں۔ترجمان رینجرز کے مطابق ملزمان سے غیرقانونی اسلحہ، ایمونیشن، مسروقہ سامان اور منشیات برآمد کرلی گئیں ہیں، ملزمان کو قانونی کارروائی کیلئے علاقہ پولیس کے حوالے کردیا گیا ۔