ڈیفنس7 ‘چوہنگ میں پونے 4 لاکھ کا ڈاکہ: 3 موٹر سائیکل ‘ 2 کاریں چوری

لاہور (نامہ نگار) لاہور میں چوری وڈکیتی کی متعدد وارداتوں میں شہریوں سے لاکھوں روپے، زیورات، موبائل فون، موٹر سائیکلوں اور گاڑیوں سمیت دیگر قیمتی سامان چھین لیا گیا۔ تفصیلا ت کے مطابق ڈیفنس کے علاقہ میں ڈاکوؤں نے عابد حسین کے گھر سے7 لاکھ20 ہزار کی نقد ی، طلا ئی زیورات اور دیگر سامان، چوہنگ میں ڈاکوؤں نے ابوبکر کے گھر سے 3لاکھ85ہزار کی نقدی ،طلائی زیورات اور دیگر سامان، کاہنہ میں زبیر کے گھر گھس کر 4لاکھ 20ہز ار کی نقدی لوٹ لیے۔ شادمان کے علاقہ میں سعد کے گھر سے 3لاکھ75ہزار کی نقدی ،طلائی زیورات اور دیگر سامان، ساندہ میں کاظم کے گھر سے 1لاکھ، زیورات اور دیگر سامان، شاہدرہ ٹاون میں علی حشمت سے65ہزار کی نقدی اور دیگر سامان۔ ستوکتلہ کے علاقہ میں عاصم سے40ہزار کی نقد ی اور دیگر سامان۔ شالیمار کے علاقہ میں نے اویس سے29ہزار کی نقدی زیورات اور دیگر سامان چھین لیا۔ جبکہ لیاقت آباد اور اقبال ٹاون سے گاڑیاں اور شاہدرہ ٹاون، گجر پورہ اور غالب مارکیٹ سے موٹر سائیکلیں چوری ہوگئیں۔