ٹریفک حادثات میں 2جاں بحق ،خاتون سمیت دوزخمی 

رحیم یارخان،چنی گوٹھ( کرائم رپورٹر،خبر نگار) ٹریفک حادثات میں دو افرا د جاں بحق خاتون سمیت دو زخمی ،طبی امداد کیلئے ہسپتال منتقل تفصیل کے مطابق محسن آباد کارہائشی امیر بخش اورسید حسنین عباس موٹرسائیکل رکشہ پر جار ہے تھے کہ اسی دوران سامنے سے آنے والے ٹرالر نے رکشہ کوٹکر ماردی جس کے نتیجہ میں28 سالہ سید حسنین عباس زخموں کی تاب نہ لاتے موقع پر ہی دم توڑگیا، جبکہ امیر بخش شدید زخمی ہوگیا،جسے فوری طورپر طبی امداد کیلئے ہسپتال منتقل کردیاگیا ۔ جبکہ ٹرالرڈرائیور ٹرالر موقع پر چھوڑ کر فرار ہوگیا۔چنی گوٹھ سے خبر نگارکے مطابق موضع بیلاراں کا رہائشی عبدالستار اور فرازانہ نامی خاتون   سڑک کراس کرتے ہوئے تیزرفتار ٹریلر کی زد میں آگئے جس سے عبدالستار موقع پے ہی جان بحق ہوگیا جبکہ خاتون شدید زخمی ہوگئی  ۔