شیخوپورہ (نمائندہ خصوصی) شیخوپورہ کے چوکوں چوراہوں میں ضمنی انتخابات کے مو قع پر امیدواروں کی جانب سے لگائے جانے والے انتخابی بینر ز بورڈز پمفلٹ کو اتارنے کا سلسلہ ابھی شروع نہیں ہو سکا جس سے شہر کا حسن نہ صرف مانند پڑ رہا ہے جبکہ مختلف انتخابی بینرز اور بورڈ ز سڑکوں پر گر رہے ہیں شیخوپورہ کی گرین بیلٹ پر بھی بعض امیدواروں نے انتخابی بینرز لگا رکھے تھے الیکشن گزرنے کے بعد بلدیہ شیخوپورہ نے ابھی تک بینرز اتارنے کا کام شرو ع نہیں کیا فٹ پاتھوں پر سیکڑوں بینرز گرے ہوئے ہیں جو برساتی نالوں میں جا کر نکاسی آب کو شدید متاثر کر سکتے ہیں شہریوں نے ضلعی انتظامیہ سے مطالبہ کیا ہے کہ دیواروں اور گرین بیلٹس پر شہر میں لگے انتخابی بینرز کو فوری طور پر ختم کیاجائے ۔