رابرٹ لیون ڈوسکی کا بارسلونا کلب سے معاہدہ

لاہور(سپورٹس ڈیسک)پولینڈ کے سٹرائیکر رابرٹ لیون ڈوسکی کا اسپینش کلب بارسلونا سے معاہدہ ہوگیا۔ 4 سالہ معاہدہ50 ملین یورو میں ہوا ہے۔رابرٹ لیون ڈوسکی بارسلونا کے دورہ امریکہ کے دوران کلب کو جوائن کریں جہاں بارسلونا کی ٹیم 4 ٹور میچز کھیلے گی۔پولش سٹرائیکر جرمن لیگ میں بائرن میونخ کی نمائندگی کررہے تھے۔ انہوںنے گزشتہ سیزن میں 46 میچز میں 50 گول سکورکئے۔ وہ سال 2014 سے اب تک بائرن کیلئے 374 میچوں میں 344 گول سکورکرچکے ہیں۔