فیروز والہ( نامہ نگار) تحصیل فیروز والا ، مریدکے اور ڈسٹرکٹ شیخوپورہ بھرمیں ماہ محرم الحرام اور ماہ صفر کے دوران اتحاد بین المسلمین کی فضاءکو برقرار رکھنے کیلئے مختلف مکاتب فکر کے 26 علماءکرام اور ذاکرین کے داخلہ پر پابندی عائد کر دی گئی ہے۔پابندی 30 صفر المظفر تک برقرار رہے گی۔ اس بارے میں ڈپٹی کمشنر سرمد تیمور نے احکامات جاری کر دیئے ہیں۔پابندی کا اطلاق یکم محرم الحرام سے ہوگا ‘ مولانا ساجد حسین سالک‘ مولانا ریاض حسین‘ غلام جعفر حسین ‘حامد رضا سلطانی ‘مولانا ندیم عباس نقوی‘ ذاکر حبیب رضا حیدری ‘سخاوت علی ‘اظہر عباس حیدری ‘مولانا محمد یوسف المعروف مولانا ٹوکا ‘مولانا سعد حسین رضوی‘ پیر محمد افضل قادری‘ مولانا ثروت اعجاز قادری‘ ڈاکٹر آصف اشرف جلالی‘ قاری فاروق الحسن‘ مولانا محمد احمد لودھیانوی‘ ڈاکٹر خادم حسین ڈھلوں‘ مولانا الیاس گھمن‘ مولانا مسعود الرحمنٰ عثمانی‘ مولانا عالم طارق‘ مولانا اورنگزیب فاروقی‘ مولانا عبداللہ نثار‘ مولانا سید سبطین نقوی‘ مولانا منظور احمد‘ مولانا محمد عمر صدیق اور مولانا عبدالرحمنٰ سلفی شامل ہیں ۔