بنگلہ دیش اے کیخلاف 4 روزہ میچ، ہریرہ کی ڈبل سنچری، پاکستان شاہینز کی اننگز 467 رنز پر ڈکلیئر

لاہور(سپورٹس رپورٹر)محمدہریرہ کی ڈبل سنچری اور کامران غلام کی سنچری کی بدولت پاکستان شاہینز نے بنگلہ دیش اے کے خلاف اپنی پہلی اننگز 3 وکٹوں پر 467 رنز بناکر ڈکلیئر کردی۔دوسرے دن کھیل کے اختتام پر بنگلہ دیش اے نے اپنی پہلی اننگز میں 4  وکٹوں پر 203 رنز بنائے لئے ‘سکور برابر کرنے کیلئے مزید264رنز درکار جبکہ چھ وکٹیں باقی ہیں ۔ڈارون میں پہلے چار روزہ میچ کے دوسرے دن پاکستان شاہینز نے اپنی پہلی اننگز375 رنز 2 کھلاڑی آؤٹ پر شروع کی۔ محمد ہریرہ جو 161 رنز پر ناٹ آؤٹ تھے اپنی ڈبل سنچری مکمل کرنے میں کامیاب ہوگئے۔ وہ 247گیندوں پر 26 چوکوں اور ایک چھکے کی مدد سے 218 رنز بناکر حسن مراد کی گیند پر بولڈ  ہوئے۔انہوں نے کامران غلام کیساتھ تیسری وکٹ کی شراکت میں 215 رنز کا اضافہ کیا۔کامران غلام نے 13 چوکوں کی مدد سے100 رنز بنائے اور آؤٹ نہیں ہوئے۔  ریپون منڈل نے دو وکٹیں حاصل کیں۔بنگلہ دیش اے کی اننگز میں پہلی دو وکٹیں صرف 23 رنز پر گرگئیں جس کے بعد شادمان اسلام اور اے ملا نے تیسری وکٹ کی شراکت میں 153 رنز کا اضافہ کیا۔ ایچ ملا 70 رنز بناکر رن آؤٹ ہوگئے۔ ٹیسٹ کرکٹر شادمان اسلا 88  رنز بناکر  ایل بی ڈبلیو ہوئے۔امیت حسن 8‘پرویز حسین 3رنز بناکرآئوٹ ہوئے ۔ خرم شہزاد ‘محمد علی اور شاہنواز دھانی نے ایک ایک  وکٹ حاصل کی۔