قصور(نمائندہ نوائے وقت)تھانہ صدر قصور اور تھانہ الہ آباد نے پولیس مقابلے میں دو ڈاکوؤں کو زخمی حالت میں گرفتار کر لیا۔ چار ڈاکو موقع سے فرار ہو گئے ۔ عاصم نے 15 پر اطلاع دی کہ ڈاکو شہریوں سے لوٹ مار کرکے فرار ہو رہے ہیں پولیس نے فوری ناکہ بندی کردی ڈاکوؤں نے پولیس کو دیکھ کر فائرنگ شروع کر دی۔ ڈاکوؤں کی اپنی فائرنگ سے ایک ڈاکو زخمی ہو گیا جسے پولیس نے گرفتار کر لیا ہے زخمی ڈاکو کی شناخت صدام عرف صدامی کے نام سے ہوئی ہے ڈاکو کے قبضہ سے چھینی گئی رقم اور ناجائز اسلحہ برآمد ہوا۔رضوان کی اطلاع پر پولیس نے ملزموں کا تعاقب کیا۔ ڈاکوؤں نے پولیس آتا دیکھ فائرنگ کر دی۔پولیس نے ایک ڈاکو کو زخمی حالت میں گرفتار کر لیا اور موٹر سائیکل،نقدی اور ناجائز پسٹل برآمد کر لیا۔ ڈاکو کی شناخت عثمان عرف مندری کے نام سے ہوئی ۔