لاہور ( خصوصی نامہ نگار)تحریک منہاج القرآن لاہور(منہاج ویلفیئر فاؤنڈیشن)کی جانب سے شیر شاہ روڈ چائنہ سکیم کوٹ خواجہ سعید لاہور میں ایک روزہ فری میڈیکل کیمپ کا انعقاد آج کیا جائے گا۔ایک روزہ موبائل ہسپتال ومیڈیکل کیمپ کا افتتاح صدر ایم ڈبلیو ایف یورپ بابر حسین کریں گے۔ بریگیڈئیر(ر) عمر حیات کنٹری ہیڈ، ڈائریکٹر آپریشنز ثنا اللہ خان،ڈپٹی ڈائریکٹر منصور قاسم، کوآرڈینیٹرایم ڈبلیو ایف کیپٹن(ر) عبد المجید، ناظم تحریک منہاج القرآن لاہور امجد چوہدری، میاں ممتاز حسین،ممتاز خان کچھی سمیت دیگر رہنما بھی موجود ہو نگے۔ ایک روزہ فری میڈیکل کیمپ صبح 9بجے سے شام 4بجے تک جاری رہے گا۔ ٹیسٹوں کی سہولیات بھی دی جائیں گی۔