لاہور(لیڈی رپورٹر )وائس چانسلر پنجاب یونیورسٹی پروفیسر ڈاکٹر خالد محمود نے ہیلی کالج آف بینکنگ اینڈ فنانس میں شجر کاری مہم کاآغاز کردیا۔اس سلسلے میں منعقدہ خصوصی تقریب میں کالج پرنسپل ڈاکٹر احمد منیب مہتا، فیکلٹی ممبران اورملازمین نے شرکت کی۔ اس موقع پر پروفیسر ڈاکٹر خالد محمود نے کالج میں تعمیراتی کام کیلئے سنگ بنیاد بھی رکھا۔ انہوں نے دفتر کی تزئین و آرائش، کھیلوں کی سہولیات کی اپ گریڈیشن، ڈیجیٹل بائیو میٹرک حاضری کا نظام، کلاس رومز اور کمپیوٹر لیب کی اپ گریڈیشن کیساتھ فیکلٹی اور ملازمین کی فلاح و بہبودکیلئے انفراسٹرکچر کو سراہا۔