صنعاء (این این آئی ) یمن میں حوثی باغیوں نے تل ابیب کی سمت ایک بیلسٹک میزائل داغا اور چار ڈرون طیارے بھیجے۔ ان میں بیلسٹک میزائل اور تین ڈرون طیاروں کو امریکیوں نے مار گرایا جب کہ چوتھا ڈرون تل ابیب تک پہنچ گیا۔غیرملکی خبررساں ادارے کے مطابق اس سے قبل یمن میں حوثی جماعت نے اعلان کیا تھا کہ تل ابیب کو ایک عسکری کارروائی کے ذریعے نشانہ بنایا گیا ہے۔ حوثیوں کے عسکری ترجمان نے سوشل میڈیا پلیٹ فارم ایکس پر بتایا کہ تل ابیب پر حملے میں ڈرون طیارہ استعمال ہوا۔