لاہور (نامہ نگار) ڈاکوؤں اور چوروں نے ڈکیتی و چوری کی وارداتوں میں متعدد شہریوں سے لاکھوں روپے مالیت کی نقدی، طلائی زیورات، موبائل فون اور دیگر سامان لوٹ لیا۔ تفصیلات کے مطابق ڈاکوؤں نے سندرکے علاقے میں وقارکے گھر گھس کر اہلخانہ کو یرغمال بنا کر ساڑھے6 لاکھ روپے مالیت کی نقدی، زیورات، موبائل فون اور دیگر سامان، شاہدرہ ٹاؤن کے علاقے میں الطاف اور اس کی فیملی سے 3 لاکھ 90 ہزار روپے مالیت کی نقدی، طلائی زیورات اور موبائل فون، جنوبی چھاؤنی کے علاقے میں احمد سے85 روپے اور موبائل فون،گلشن راوی کے علاقے میں شاداب سے53ہزار روپے آئی ڈی کارڈ، موبائل فون،گارڈن ٹاؤن کے علاقے میں فرقان سے46 ہزار روپے اور موبائل فون،گجر پورہ کے علاقے میں عادل سے33ہزار روپے اور موبائل فون، انارکلی کے علاقے میں فائق سے29ہزار روپے اور موبائل فون، مناواں کے علاقے میں سرفراز سے21ہزار روپے نقدی اور موبائل فون، مصطفی آبادکے علاقے میں حنیف سے17ہزار روپے نقدی اور موبائل فون، بھاٹی کے علاقے میں حماد سے 7ہزار روپے اور موبائل فون جبکہ اسلام پورہ کے علاقے میں رجب سے موبائل فون لوٹ لیا اور فرار ہوگئے ہیں۔ چوروں کے غازی آباد کے علاقے میں دانش کے گھر سے ساڑھے 5لاکھ روپے مالیت کی نقدی، زیورات اور الیکٹرانکس سامان چوری کر لیا۔ چوروں نے گڑھی شاہو، غازی آباد اور راوی روڈ کے علاقوں میں سے 3 کاریں، اچھرہ کے علاقے میں سے رکشہ جبکہ نیو انارکلی، سمن آباد، لاری اڈہ، مصطفی آباد، ہنجروال اور مزنگ کے علاقوں میں سے 6 موٹر سائیکلیں چوری کر لیں۔