قلعہ دیدار:سوتیلی بیٹیوں سے زیادتی،فیروز والا ،گینگ ریپ کا ملزم‘ ساتھی گرفتار

قلعہ دیدار سنگھ‘ فیروز والا (نمائندگان خصوصی+ نمائندگان نوائے وقت+ نامہ نگاران) فیصل آباد، گوجرہ، جڑانوالہ، ڈسکہ اور گگو منڈی میں 4 خواتین اور نوجوان کو اوباش ملزموں نے اپنی ہوس کا نشانہ بنا ڈالا، 8 سالہ بچے سے زیادتی  کرنے والے 3 ملزم گرفتار کر لئے گئے جبکہ قلعہ دیدار سنگھ میں سوتیلا باپ اور بیٹا، جواں سال بچیوں کو زیادتی کا نشانہ بناتا رہا۔ فیصل آباد سے نمائندہ خصوصی کے مطابق تھانہ ساندل بار کے علاقہ میں 15 سالہ بھتیجی (ر) گھر میں اکیلی تھی کہ اسی دوران دو اوباش گھر میں گھس آئے۔ باپ بیٹے نے درندگی کی انتہا کر دی۔ سوتیلی بیٹیوں کو زیادتی کا نشانہ بناتے رہے۔ بیٹا بھی سوتیلی بہنوں کی عزت سے کھیلتا رہا، ماں کی درخواست پر تھانہ  لدھیوالہ وڑائچ  پولیس نے مقدمہ درج کر کے ایک ملزم کو گرفتار کر لیا ہے۔ محلہ افضل ٹائون کی رہائشی مقدس بی بی نے بتایا کے اس نے خاوند کی وفات کے بعد دوسری شادی عبدالجبار پولٹری والے کے ساتھ کی تھی اور پہلے خاوند سے اس کی دو بیٹیاں 14 سالہ (ز) اور 11سالہ (ا) میرے ہمراہ میرے دوسرے خاوند کے گھر رہ رہی تھیں جنہیںان کا سوتیلا باپ اور سوتیلا بھائی بابر زیادتی کا نشانہ بناتا رہا اور کسی کو بتانے پر جان سے مارنے کی دھمکیاں دیتا رہا۔ تھانہ لدھیوالہ وڑائچ  پولیس نے ملزم عبدالجبار اور بابر کے خلاف مقدمہ درج کر کے عبدالجبار کو گرفتار کر لیا ہے جبکہ بیٹا بابر فرار ہو گیا ہے۔ فیکٹری ایریا پولیس نے کوٹ عبدالمالک میں جواں سالہ خاتون سے گینگ ریپ کرنے والے مرکزی ملزم صدیق کو ساتھی سمیت گرفتار کر لیا۔ واقعہ میں معاونت کرنے والی خاتون سمیت 33 خواتین و مرد ملزموں کو حراست میں لے کر جیل بھجوا دیا گیا، یاد رہے کہ گینگ ریپ کے واقعہ کا وزیرا علیٰ پنجاب مریم نواز نے نوٹس لیا اور ایم پی اے حنا پرویز بٹ نے متاثرہ خاتون سے بھی ملاقات کر کے  ملزموں کی جلد گرفتاری کی یقین دہانی کرائی تھی۔ ڈی پی او شیخوپورہ بلال ظفر شیخ کی ہدایت پر ایس ایچ او فیکٹری ایریا رانا سجاد اکبر نے ٹیم کے ہمراہ خاتون (ع) کو اغوا کے بعد خاتون سے رات بھر گینگ ریپ کرنے والے ملزموں کے خلاف کریک ڈاون کر کے مرکزی ملزم صدیق اور اس کے ساتھی عمران کو حراست میں لے لیا، ایس ایچ او فیکٹری ایریا رانا سجاد اکبر کے مطابق ملزموں کی ساتھی خاتون شہزادی نے بہانے سے اپنی کزن کو اپنے گھر لا کر ملزموں کے حوالے کر دیا تھا۔ ڈی پی او شیخوپورہ نے واقعہ میں ملوث ملزموں کو گرفتار کرنے پر ایس ایچ او فیکٹری ایریا رانا سجاد اکبر اور ٹیم کو شاباش دی۔