بلوچستان کے ضلع ژوب سے پولیو وائرس کی تصدیق ‘ ملک میں کیسز کی تعداد 9 ہو گئی

ژوب(این این آئی )بلوچستان کے ضلع ڑوب سے پولیو وائرس کی تصدیق ہوئی ہے جس کے بعد ملک میں پولیو کیسز کی تعداد 9 ہو گئی۔ڑوب کی یونین کونسل حسن زئی اربن ٹو سے ڈیڑھ سال کے بچے میں پولیو وائرس کی تصدیق ہوئی ہے۔اس حوالے سے پی ایم کوآرڈینیٹر برائے صحت ڈاکٹر ملک مختار کا کہنا ہے کہ پولیو وائرس سے اس سال 9 بچے متاثر ہو چکے ہیں۔ انسداد پولیو کی فوکل پرسن عائشہ رضا نے کہا کہ پولیو سے بچنے کا سب سے موثر طریقہ پولیو سے بچاؤ کی متعدد ڈوز ہیں۔کوآرڈینیٹر نیشنل ایمرجنسی آپریشنز سینٹر محمد انوار الحق کا کہنا ہے کہ رواں سال اب تک 6 انسداد پولیو مہم ہو چکی ہیں، بچوں کو محفوظ رکھنے کے لیے مختلف حکمت عملی اپنا رہے ہیں۔