اسلام آباد،مختلف وارداتوں میں شہری نقدی، زیورات و قیمتی سامان سے محروم 

اسلام آباد (اپنے سٹاف رپورٹر سے)مختلف وارداتوں میں شہری نقدی، زیورات. موٹر سائیکلوں اور قیمتی سامان سے محروم ہو گئے تھانہ نون کے علاقے میں دو مسلح افراد نے ایک شخص سے گن پوائنٹ پر تشدد کرکے موٹر سائیکل، نقدی اور موبائل فون چھین لئے تھانہ کورال کے علاقے میں دو واقعات میں تین مسلح موٹر سائیکل سواروں نے شہریوں سے اسلحہ کی نوک پر نقدی، پرس اور موبائل فون چھین لئے تھانہ کوہسار کے علاقے ایف سکس میں دو مسلح موٹر سائیکل سواروں نے راہگیر سے گن پوائنٹ پر نقدی، لیپ ٹاپ اور موبائل فون چھین لئیتھانہ شہزاد ٹائون کے علاقے میں تین مقامات پر گھروں کے تالے توڑکر نقدی، زیورات ، موٹر سائیکل، لیپ ٹاپ، پرائز بانڈ چوری کرلئے گئے تھانہ بنی گالہ کے علاقے میں گھر کی دیوار پھلانگ کر کھڑکی کی گرل توڑ کر نقدی، موبائل فون اور گھریلو سامان چوری کرلئے گئے تھانہ آئی نائن کے علاقے میں تین موٹر سائیکل سوار دو افراد سے نقدی، موبائل فون ، سونے کی چین چھین کر فرار ہوگئے تھانہ سیکرٹریٹ کے علاقے سے موٹر سائیکل چوری ہوگیا تھانہ آبپارہ کے ایریا میں دو شہریوں کے موٹر سائیکل چوری ہوگئے تھانہ مارگلہ کے علاقے ایف ایٹ سے موٹر سائیکل چوری ہوگیا تھانہ شمس کالونی کے مختلف علاقوں میں دو موٹر سائیکل چوری ہوگئے تھانہ ہمک کے علاقے روات سے موٹر سائیکل چوری ہوگیا.