راولپنڈی (جنرل رپورٹر)سی ای او راولپنڈی ویسٹ مینجمنٹ کمپنی راناساجد صفدر نے کہا ہے کہ عیدالاضحی کے موقع پر صفائی کو یقینی بنانے اور آلائشوں کو ٹھکانے لگانے کا کام مثالی رہا،محرم الحرام میں بھی صفائی کے بہترین انتظامات دیکھنے میں آئے،گزشتہ روز سینئر مینیجر آپریشنز ڈاکٹر حامد اقبال کی سربراہی میں آپریشن ٹیم کے اعزازمیں سی ای او رانا ساجد صفدر کی طرف سے تعریفی تقریب کا اہتمام کیا گیا،جس میں مینیجر آپریشنز عامر یونس نائیک،مینیجر فلیٹ سید حسن سردار،ڈپٹی مینیجر آپریشنز گلباز ستی،اسسٹنٹ مینیجرز،زونل و سیکٹر چیفس و دیگر آپریشنز سٹاف نے شرکت کی ،سی ای او رانا ساجد صفدر نے کہا کہ ہمارے کام کی ہر سظح پر تعریف کی گئی جس کا سارا کریڈٹ آپریشن سٹاف کو جاتا ہے۔